昨天約了一位多年前認識的舊客見面，她因為某些健康原因導致肥咗好多，我好多年前喺舊舊公司跟進佢減肥進度，多得佢信任，多年後想減肥都搵番我。
為咗更掌握佢身邊健康狀況對佢嘅影響，見佢之前睇咗好多研究，希望可以真係俾到有用合適嘅意見佢。
見面傾咗好耐，我好慶幸俾到啱佢嘅資訊。當大家傾完佢狀況，開始閒話家常。我諗起佢做教育，順口講吓我啲小朋友，佢哋各自性格，一講起呢啲，我就即刻變番做阿媽，為子女成長擔憂。
點知，原來佢對小朋友學習情緒係有好深入嘅研究，了解我小朋友日常生活後，俾咗好多好實在而我覺得真係好合適嘅小方法可以用喺小朋友身上幫助情緒管理。我番到屋企立即將剛才佢講嘅意見寫低。
今次見面，以為自己幫咗佢，原來有意外收穫嗰個係我~
生活中，常有不如意的事，但有時小確幸，就出現喺預計不到的時候。
香港人加油💪🏼
#同一件事你用咩角度睇好重要
P.s. 此非廣告，我唔接新客啦
#營養師 #Nutritionist #AnnieLee
Search